Uttanlands

Norska sjóverjufregattin møguligur brotsgerðarstaður

Stýrihúsið på fregattini, Otto Sverdrup er samlík henni á Helge Ingstad. Kavarir hava fyrr verið umborð og millum annað bjargað dátuútgerð. Nú fer løgreglan at kanna stillingarnar á tøkniligu útgerðini í stýrihúsinum og annað, ið kann siga okkurt um vanlukkuna. (Mynd: Eirik Helland Urke)

Stýrihúsið på fregattini, Otto Sverdrup er samlík henni á Helge Ingstad. Kavarir hava fyrr verið umborð og millum annað bjargað dátuútgerð. Nú fer løgreglan at kanna stillingarnar á tøkniligu útgerðini í stýrihúsinum og annað, ið kann siga okkurt um vanlukkuna. (Mynd: Eirik Helland Urke)

2019-03-01 21:01 Author image
Turið Justinussen

Tann norski herflotin hevur sent fólk við GoPro-myndatólum umborð á sjóverjufregattina, Helge Ingstad, tí løgreglan hevur illgruna um, at okkurt revsivert var orsøk til vanlukkuna. Tað skrivaði ing.dk í gjár

Møguligur brotsgerðarstaður
Løgreglan í vestara parti av Bergen kannar vanlukkuna og váttar samstundis, at fregattin verður mett at vera eitt møguligur brotsgerðarstaður fyri revsiverdar gerðir. Tí er tað týdningarmikið at alt próvtilfar verður tryggjað. 

Dag Sverri Liseth ger tó vart við, at SHT ikki rannsakar og kannar fregattina fyri at áleggja nøkrum ábyrgdina, men fyri at kunna forða, at slíkar vanlukkur endurtaka seg í framtíðini. 

SHT miðjar ímóti at veita eina fullkomna frágreiðing um vanlukkuna innan 12 mánaðir, men herflotin hevur tó longu boðað frá, at freistin uppá eitt ár kann verða torfør at halda, tí umframt tað, at arbeiðið er tíðarkrevjandi og umfatandi at, hevur fregattin ligið undir vatni síðani novembur í fjør.

Kortini sigur Dag Sverre Liseth, at málið enn er at halda freistina og skipsvrakið hevur ligið undir vatni síðani 8. novembur í fjør. 

Hava gjørt viðkomandi samrøður og bjargað upplýsingum 
STH hevur gjørt samrøður við øll, ið vóru umborð á fregattini, og øll, ið vóru innblandaði, har ímillum manning á tangaskipinum, Sola TS og starvsfólk á ferðslustøðini í Fedje VTS. 

- Tað kann verða neyðugt at gera fleiri samrøður, aftaná vit hava verið umborð á frigattini, sigur Dag Sverre Liseth. 

Mikudagin sendi STH eitt tíðindaskriv út um støðuna á kanningarbeiðinum. 

SHT hevur greinað ymiskar tekniskar upplýsingar og miðsavnar annars kanningararbeiðið um tað innanhýsis samskiftið millum bátsmanningina á brúnnið á KNM Helge Ingstad, bátsmanningina á brúnnið á tangaskipinum, Sola TS og við Fedje VTS. 

STH skrivar, at enn manglar ein partur av arbeiðinum, serliga frá tí løtu, samanbresturin hendi og til øll tey 137 fólkini umborð, vórðu bjargaði í land. Virðismiklar upplýsingar frá stýrisskipanini á fregattini eru endurskaptar. STH væntar, at kanning og kortlegging av farinum eftir bjargingina fer at veita teimum fleiri upplýsingar. 

- So skjótt, fregattin er tikin upp, byrja vit at kortleggja og meta um, hvussu umfatandi skaðarnir eru og meta um støðuna á fregattini.

Skaðanevndin hevur longu megnað at bjarga ymsum tólum og útgerð av fregattini, sum kann veita teimum týdningarmiklar upplýsingar. Skaðanevndin vónar somuleiðis, at meira afturat enn kann bjargast, hóast hetta er torført: 

- Tað er óvist, um tað fer at verða gjørligt at endurskapa upplýsingarnar eftir at fregattin hevur ligið so langa tíð í sjónum, ásannar Dag Sverre Liseth. 

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður