Kjak

Meining: Rættleiðing: Ikki í tænastu hjá Eik

Meining: Rættleiðing: Ikki í tænastu hjá Eik
2018-02-08 12:18 Author image
Johnny í Grótinum, kringvarpsstjóri

Farna vikuskifti hevði Sosialurin enn eina ógvusliga forsíðusøgu um KvF. Á forsíðuni borðreiddi Barbara Holm, blaðstjóri, við eini serstakliga grovari ákæru ímóti mær: “Johnny gjørdi tænastur fyri Eik”. Trupulleikin er bert, at hetta er ósatt. Eg havi ikki gjørt tænastur fyri Eik.

Yvirskriftin er tí villeiðandi og ikki í samsvar við innihaldið. Inni í blaðnum framgongur, at yvirskriftin á forsíðuni stavar frá eini meining í eini klagu, men forsíðan vísir ikki á heimildina, og er tað í andsøgn við leiðreglurnar um góðan fjølmiðlasið. Eisini er tað í andsøgn við leiðreglurnar, at ein viðmerking verður borðin fram sum staðfest fakta.

Yvirfyri kringvarpsstýrinum havi eg við eini frágreiðing afturvíst ákæruni í umrøddu klagu. Stýrið hevur tikið frágreiðingina til eftirtektar og avgreitt klaguna mótvegis journalistunum. Mentamálaráðið hevur avvíst klaguna vísandi til leiðslurætt stýrisins. Hetta veit Sosialurin fullvæl av, tá tey allíkavæl velja at skriva forsíðuyvirskriftina, sum kann vera skaðandi fyri meg persónliga og fyri stovnin.

Nú øll kiosk vitjandi farna vikuskifti fingu eina skeiva sannføring um mín persón frá Sosialinum, vil eg heita á Barbaru Holm, blaðstjóra, um eisini at koma við eini rættleiðing á sama stað. Tí eg hvørki havi verið ella eri í tænastu hjá Eik. Tað kann ljóða háfloygt, men sum kringvarpsstjóri eri eg í fólksins tænastu.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Tann eg eri og tann eg var

Tann eg eri og tann eg var

Hann hevur vunnið alt, sum vinnast kann. Hann er sum einasti útlendingur blivin tilnevndur til týsku sjónleikaheiðurslønina...

Arbeiðssami skemtarin av Argjum

Arbeiðssami skemtarin av Argjum

Seinastu trettan árini hevur Hans Andreasen rikið Glitnir, sum fyri átta árum síðani varð víðkað við Irsh Pub við Skálatrøð...

Meira langlesnaður