Meining: Óseriøsur og manipulerandi tíðindaflutningur

Meining: Óseriøsur og manipulerandi tíðindaflutningur

2017-09-22 18:15 Author image
Eyðun Mørkøre,, stjóri á TAKS

Í sjónvarpstíðindasendingini í gjárkvøldið sendi Kringvarpið eitt innslag, sum var so óseriøst og manipulerandi, at eg sum stjóri á TAKS noyðist at tala at.

Innslagið í Degi & Viku hóskvøldið, 21. september, byggir á fleiri faktuellar feilir, sum journalisturin, Jan Lamhauge, og løgfrøðingurin, Bjørn á Heygum, gera niðurstøður útfrá. Tað, sum ger hetta innslagið serliga óseriøst og manipulerandi, er, at TAKS veit, at tíðindamaðurin hevur røttu upplýsingarnar. Men sannleikin passar eftir øllum at døma ikki inn í søguna, sum Kringvarpið vil sleppa at siga. Tí kann endamálið við innslagnum ikki vera at bera fram sakligar og rættar upplýsingar, men bara vera at sverta TAKS og starvsfólk stovnsins.

TAKS hevur ongantíð játtað EIK ein frádrátt á 477 milliónir krónur

Tann 6. juli í ár almannakunngjørdi Fíggjarmálaráðið viðmerkingarnar hjá TAKS saman við niðurstøðuni av kanningini hjá Bárði Larsen. Men hóast viðmerkingarnar svara fleiri av illgitingunum hjá Kringvarpinum og vísa á røttu samanhangirnar, so hevur Kringvarp Føroya ikki áhuga í at vísa Føroya fólki tilfarið.

Í viðmerkingunum hjá TAKS framgongur, at TAKS noktaði EIK at draga 477 milliónir krónur av í 2015, og Kringvarpið hevur skjølini, sum prógva tað. Men Kringvarpið heldur upp á tað øvuta, tí tað er ein betri søga. Fyri at fáa søguna at passa, so noyðist Kringvarpið at rangsnúgva útsagnir hjá stjóranum á TAKS.


Lítið álit á Kringvarpi Føroya

Frælsir fjølmiðlar eru ein súla undir einum og hvørjum demokratii. Men frælsu fjølmiðlarnir hava eina stóra ábyrgd ikki at misbrúka vald sítt. Á TAKS hava vit altíð lagt dent á at svara og samstarva við fjølmiðlarnar.

Í viðgerðini hjá Kringvarpinum av skattamálinum hevur TAKS fleiri ferðir verið í miðlakvørnini hjá Kringvarpinum. Av skaða hava vit lært, at tað er neyðugt at hugsa seg væl um, áðrenn ein tosar við Kringvarpið. Í sambandi við innslagið í Degi & Viku hóskvøldið hildu vit ikki, at tað tænti nøkrum endamáli at taka lut. Samstundis liggur málið hjá fútanum, og hann skal hava høvi at viðgera málið í friði.

Seinasta innslagið skalar tíverri enn meira tað sindrið av áliti, sum var eftir á tíðindaflutningin hjá Kringvarpi Føroya. Vit tola kritiskan journalistik, men manipulatión er ov nógv av tí góða.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður