Samkynd gifta: Kirkjan má sjálv taka støðu

2016-05-10 16:52 Author image
Sigmund Vang

Nógv kjak hevur verið um samkynd skulu sleppa at gifta seg í kirkju og samkomum í sambandi við viðgerðina av broytingunum í hjúnabandslógini. Men júst hetta er ein spurningur, sum LGBT Føroyar ikki blandar seg uppí.

- Onkur royndi at grugga málið við at øsa fólk upp, men tað hevur ikki verið ætlanin hjá okkum at sleppa inn í kirkjur og samkomur at gifta okkum, sigur Eiler Fagraklett, talsmaður fyri LGBT, nú løgtingið hevur samtykt at fremja broytingarnar.

- Málið hjá okkum var at sleppa at giftast borgarliga, og um kirkjan ella samkomurnar skulu taka støðu til nakað, so verður tað eitt mál fyri tær, leggur hann afturat.

Í øðrum londum hevur tað víst seg, at trýstið á kirkjuna og samkomurnar er komið innanífrá, og ikki frá felagsskapum, sum tala søkina hjá teimum samkyndu. Og soleiðis verður tað kanska eisini í Føroyum. Í hvussu so er, so fer LGBT ikki at gera nakað við hetta. Framtíðar virksemið hjá LGBT fer millum annað at snúgva seg um yvirtøkuna av familju- og arvarættinum.

- Tá Føroyar fáa ræðið á hesum málsøki, hevur tað týdning fyri felagið, at tey samkyndu, biseksuellu og transpersónar ikki detta niðurímillum, sigur Eiler Fagraklett.

 

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður