Landsinnsavningin 2017

Landsinnsavningin 2017

2017-10-04 12:39 Author image
Innsent

Í sambandi við árligu landsinnsavningina hjá Reyða Krossi seinasta mánaða, leygardagin tann 16. september, gav innsavningin tilsamans 836.000 kr.

Fleiri hundrað fólk hjálptu sjálvboðin við landsinnsavningini.
Í fjør gjørdist endaliga úrslitið av landsinnsavningini kr. 950.000. Úrslitið í ár er kr.114.000 minni enn í fjør og er ein av orsøkunum tann, at vit ikki fingu nokk av fólki at ganga við bússum í Tórshavn.

Enn einaferð kunnu vit staðfesta, at við landsinnsavningini stendur Føroya fólk saman um at stuðla hjálpararbeiðiðnum hjá Reyða Krossi, og vit takka øllum hjartaliga fyri hjálp og stuðul.

Vit takka øllum tykkum kring landið, ið samskipaðu innsavningina í tykkara øki, og vit takka tykkum, ið gingu við bússunum og tykkum, sum peningaliga og á annan hátt stuðlaðu Reyða Krossi.

Eisini takka vit føroysku peningastovnunum og tykkara starvsfólkum, umframt føroysku fyritøkunum, sum lótu pening og annan stuðul til hjálpararbeiðið hjá Reyða Krossi.

Hvat samla vit inn til
Vit samla inn til at hjálpa bæði úti í heimi og í Føroyum. 500.000 børn og vaksin flýggja í løtuni undan valdsgerðum og ágangi í Myanmar. Í Sýria eru familjur fangaðar í krígsherðjanum økjum. Í Yemen berjast børn fyri lívinum orsaka av kolera og hungri. Aðrar staðir í verðini standa fólk uttan tak yvir høvdi orsaka av ódnum. Smáar og stórar vanlukkir rópa eftir okkara hjálp hvønn dag.

Í Føroyum hjálpa vit fólki m.a. við klædnahjálpini til barnafamiljur í trongstøðu, vitjanartænastu til einlig, samarittatænastu á festivalum o.ø, fyrstuhjálparskeið og við klædnaendunýtslu, sigur Jóannes Eidesgaard, formaður í Reyða Krossi Føroya.

 

 

 

placeholder

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Terji murrar við til lívsins ró

Terji murrar við til lívsins ró

– Eg helt ikki, at eg dugdi nakað ávíst serliga væl, og tí valdi eg bara tað stuttligasta av teimum lutum, sum eg ikki dugdi...

Author image Leif Láadal

Meira langlesnaður