Landsbankin kemur aftur

2016-06-07 09:00 Author image
Dimma

Seinasta samgongan tók Landsbanka Føroya av. Nú fer hendan samgongan at seta hann á stovn aftur. Tað sigur Fíggjarmálaráðið á heimasíðuni. Farið verður undir at seta Landsbankan á stovn aftur saman við einum váðaráði. Endamálið er at virka fyri fíggjarligum støðufesti í Føroyum.

Landsbankin skal umsita skuld og ognir landsins. Hann skal samstundis virka sum óheftur, almennur fíggjarstovnur og greiningastovnur, sum eisini kann veita ráðgeving og vera fíggjarstovnur hjá kommunum og almennum grunnum.

Umframt Landsbankan fer Fíggjarmálaráðið eisini undir at skipa Føroya váðaráð. Høvuðsuppgávan verður at eygleiða og eymerkja yvirskipaðar fíggjarváðar í føroyska búskapinum og koma við tilmælum.

- Við nýggja Landsbanka Føroya og Føroya váðaráði taka vit týðandi stig at styrkja okkum búskaparliga og at fyribyrgja framtíðar fíggjarkreppum. Seinasta fíggjarkreppan staðfesti, at fíggjarligu eftirlitsstovnarnir vóru ov veikir og høvdu eftirlit við ov avmarkaðum viðurskiftum, sigur Kristina Háfoss landsstýriskvinna í fíggjarmálum.

Uppskot til løgtingslóg um Landsbanka Føroya og Føroya váðaráð er nú sent til hoyringar hjá avvarðandi pørtum.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður