Lagt hald á 19 kilo av hassji

Lagt hald á 19 kilo av hassji

2017-06-22 12:04 Author image
Leif Láadal

Nøgdin av rúsevni, sum TAKS hevur afturhildið higartil í ár, er longu nógv størri enn alt árið í fjør. Fyrstu fimm mánaðirnar av 2017 eru funnin 19 kilo av hassji – meiri enn tríggjar ferðir so nógv sum í 2016, tá ið hald var lagt á seks kilo, upplýsir TAKS á heimasíðu síni.

Tollarar hava eisini lagt hald á hørð rúsevnir sum MDMA og kokain, men talan er um smærri nøgdir.

– Hóast vit gleðast um, at vit eru við til at tálma rúsevnasøluni og skaðunum, sum hon ger á føroyska samfelagið, so er tað ræðandi, at nøgdin av rúsevni, sum vit leggja hald á, veksur so nógv, sigur Eyðun Mørkøre, stóri á TAKS.

Smuglarar finna alsamt nýggjar vegir at føra rúsevni til Føroya, og avbjóðingin at hava eftirlit við smuglingini veksur. Eyðun Mørkøre vísir tó á, at við fakligari dagføring, samstarvi og dugnaligum starvsfólki megnar TAKS at fylgja við gongdini, og stovnurin hevur eisini tætt samband við tollmyndugleikar í grannalondum.

– Tað er ilt at siga, hvussu nógv rúsevni kemur til Føroya, men eg haldi, at vaksandi tølini vísa, hvussu umráðandi tað er at hava eitt gott eftirlit, sigur Eyðun Mørkøre.


Kelda: taks.fo

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður