Kvinnurnar áttu kvøldið á Golden Globes

Mynd: epa.eu

Kvinnurnar áttu kvøldið á Golden Globes

2018-01-08 14:13 Author image
Guðrun í Jákupsstovu

Tað vóru svartklæddar stjørnur í hópatalið, ið gingu eftir reyðu langmottuni til Golden Globe virðislønahandanina í nátt. Longu áðrenn tiltakið fór av bakkastokki, var tað greitt, #MeToo átakið enn gjørdi seg galdandi í Hollywood-verðini. Stjørnurnar vóru í svørtum fyri at heiðra tey fólkini, ið høvdu traðkað fram, og talað at kynsligum ágangi. 
Filmsframleiðarin, Harvey Weinstein, ið var tann fyrsti at blíva ákærdur fyri ógvusligan kynsligan ágang, var ikki til staðar til handanina.

Tað var ikki bert í litinum av klæðunum, at stjørnurnar søgdu frá. Eisini í røðunum hjá teimum mongu, ið fingu heiðurslønir, valdu tey at seta orð á trupulleikan við kynsligum ágangi í filsmverðini og birtu vón um eina framtíð, har tað ikki var neyðugt at siga "Me Too" longur.

Av heiðurslønum ið vórðu givnar, vóru tað eisini kvinnurnar, ið fóru við nógvum. Filmurin, Three Billboards Outside Ebbing, Missouri, vann heiðurslønina besti filmur. Filmurin snýr seg um eina kvinnu, ið velir at taka málið í egnar hendir, tá dóttir hennara verður myrd. 
Eisini vann HBO-sjónvarpsrøðin, Big Little Lies, heili fýra heiðurslønir. Røðin setir eisini kynsligan ágang og harðskap á breddan.

Kenda leikarinnan og sjónvarpsverturin, Oprah Winfrey, bleiv heiðrað við tí serligu Cecil B Demille heiðurslønini, ið er givin fyri serligt avrik gjøgnum alt lívið.
Oprah legði í røðu síni dent á umboðan av fólki av ymiskum húðarlitum og uppruna innan filmsverðina, um rasustríði í USA og á tað ovurstóra bragdið, tær kvinnur høvdu framt, ið høvdu traðkað fram í samband við #MeToo.
Oprah er fyrsta myrka kvinna nakrantíð, ið fær Cecil B Demille heiðurslønina.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður