Kongurin livir á svenskum

Kongurin livir á svenskum

2017-05-06 08:40 Author image
Dimma

Í august í ár eru 40 ár síðan Elvis doyði og Norðurlandahúsið heiðrar konginum við eini konsert við svenska bólkinumFröken Elvis.

“Kongurin livir á svenskum!” (DN), “Hon gevur Elvis sangum nýtt lív” (Mitt i Søderort).

Soleiðis umrøða svenskir miðlar hendan einastandandi tónleikabólkin. Fröken Elvis spæla Elvis-sangir, sum eru umsettir til svenskt og útsettir av nýggjum umframt eitt sindur av egnum tónleiki. Framførslan hjá teimum er fjálg og skemtilig, men eisini eitt sindur álvarssom. Og sjálvandi full av tónleiki, kærleika og eini rúgvu av ymsum ljóðførum.

Fyrsta útgávan hjá Fröken Elvis "Elvis på svenska" kom út í 2015 og gjørdist nummar 19 á svensku hittlistunum. Nú, summarið 2017, geva tær næstu fløguna. "Kungen & Jag" út.

Frøken Elvis eru: Camilla Fritzén (sangur og umsetingar), Lisa Bodelius (trombon, kontrabas, klaver, harmoniku, kórsang og umsetingar), Maria Olsson (trummur, slageverk og kórsang), Josefin Berge (gittar, mandolin og kórsang) og Sanna Andersson (kontrabass, gittar, ukulele, melodica og kórsang).

Fröken Elvis spæla leygardagin 19. august kl 19.30 í Norðurlandahúsinum.

placeholder

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Terji murrar við til lívsins ró

Terji murrar við til lívsins ró

– Eg helt ikki, at eg dugdi nakað ávíst serliga væl, og tí valdi eg bara tað stuttligasta av teimum lutum, sum eg ikki dugdi...

Author image Leif Láadal

Meira langlesnaður