16 føroyskar fyritøkur til Kaliningrad

2017-02-15 14:38 Author image
Sigmund Vang

Uttanríkis- og vinnumálaráðið og Sendistova Føroya í Moskva skipa fyri vinnuferð til Kaliningrad í døgunum 15. – 17. februar.

Tað upplýsir Uttanríkis- og vinnumálaráðið.

16 føroyskar fyritøkur taka lut í vinnuferðini, har tær fara at hitta umboð fyri 40 russiskar fyritøkur.

Hósdagin 16. februar verður stórt vinnutiltak á Museum of the World Ocean í Kaliningrad. Alexey Zinovyev, stjóri í Vinnuhúsinum í Kaliningrad, og Bjørn Kunoy, sendimaður Føroya í Russlandi, bjóða føroysku og russisku luttakarunum vælkomnum. Síðani fara føroyskar fyritøkur at hava framløgur um vørur og tænastur sínar og hava fundir við russisku fyritøkurnar.

Hóskvøldið 16. februar verður skipað fyri føroyskum filmskvøldi í søguliga biografinum Zarya í Kaliningrad. Stásiligi biografurin var ein av fáu bygningunum í Kaliningrad, ið ikki varð oyðilagdur undir seinna heimsbardaga. Filmarnir, sum verða sýndir, eru “Tunnan” og “Dalur”, ið eru leikstjórnaðir av ávikavist Jónfinn Stenberg, Jóannes Lamhauge og Heiðriki á Heygum.

Síðani verður móttøka fyri samstarvsfeløgum hjá føroysku fyritøkunum og Sendistovu Føroya í Moskva. Birgir Enni borðreiðir við føroyskum sjógæti.

Føroyska sendinevndin fer úr Kaliningrad aftur fríggjadagin 17. februar.

Føroysku fyritøkurnar, ið luttaka á ferðini, eru: Magn, Faroe Ship, Berglon, KSS, KJ Hydraulik, HDYGD, Combine-IT, NorthPelagic, Pelagos, Rock Trawl Doors, Runavíkar Havn, Vita, Faroe Agency, Faroe Ship, MEST, Bergfrost Coldstore og EFFO.

  

  

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður