Kjak

Maktmisnýtsla og forfylging

2016-10-06 07:42 Author image
Sigmund Vang

Ongantíð fyrr hevur ein landsstýrissamgonga noktað einum flokki at gjørt innanhýsis broyting í nevndarsessum, men tað hendi í dag, helst í forfylging av Anniku Olsen.

Mikudagin varð uppskot til atkvøðugreiðslu í Løgtinginum, har skotið varð upp, at Jákup Mikkelsen úr Fólkaflokkinum skuldi lata sín nevndarsess til Anniku Olsen, tvs ein innanhýsis flyting. Hetta er ofta gjørt fyrr, men ongantíð hevur Løgtingið sagt nei. Tað hendi í dag. Andstøðan atkvøddi øll fyri, meðan tey 17 í samgonguni øll atkvøddu ímóti.

Hetta er ódemokratiskt og minnir mest um maktmisnýtslu og forfylging av einum tinglimi, sigur Jørgen Niclasen. Hann leggur afturat, at nógv av hesum samgongufólkum halda seg kunna røkja fleiri sessir, sjálvt borgarstjórar í tinginum atkvøddu ímóti. Annika Olsen skuldi ikki hava nevndarsess í Uttanlandsnevndini. Sostatt hevur Annika Olsen ongan nevndarsess i Tinginum

Tá Annika Olsen eftir valið valdi at leggja formanssessin í Fíggjarnevndini frá sær, varð tað tulkað, at so kundi valbólkurin hjá samgonguni uttan nakra atkvøðugreiðslu velja annað umboð í Fíggjarnevndina. Nú tulkar løgtingið hetta øðrvísi. Hetta kann bert gerast, tá samgogngan vil hava ein nevndarlim, men ber ikki til, tá onnur ynskja tað sama.​

 

 

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður