IRF megnar ikki at brenna undan

Mynd: Visualhunt.com

IRF megnar ikki at brenna undan

2017-10-25 14:55 Author image
Innsent

Ongantíð áður í søguni hjá IRF eru so stórar nøgdir av burturkasti komnar inn. Í seinastu viku fekk IRF 718 tons at brenna. At samanlíkna við, brennur IRF vanliga 18.000 tons pr. ár. 

Nøgdirnar eru so stórar, at vit í løtuni ikki megna at brenna undan. Ovnurin á Brennistøðini hjá IRF brennur umleið 60 tons pr. dag. Í seinastu viku fekk IRF 102 tons inn pr. dag.

Í løtuni kann tað tí verða trupult at sleppa av við burturkastið, hjá bæði vinnu og kommunum runt um í landinum, tí allar goymslur eru fullar, frá norðast til sunnast.

Støðan er íkomin av met høgu nøgdunum av burturkasti í ár, samstundis sum IRF hevur havt nógvar tekniskar trupulleikar av gamla ketlinum, sum verður útskiftur komandi vár. Harafturat hevur IRF skerdan møguleika at lata burturkast til brenningar hjá KB í Tórshavn, tí Brennistøðin í Tórshavn hevur verið rakt av eldi og tekniskum brekum seinastu mánaðirnar.

Vit vóna, at fólk bera yvir við hesa serstøðu, IRF er komið í, og vísa tolsemi móti starvsfólki okkara, sum gera alt tey eru ment at hjálpa kundum okkara.

Leiðslan hjá IRF arbeiðir við at finna eina loysn, til at lætta um støðuna.

 



Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður