Fýra amerikanskir senatorar eru á vitjan í Grønlandi, har tey hitta limir í grønlendsku stjórnini og vinnulívsfólk.
Teir fýra amerikansku senatorarnir verða av Lotte Mejlhede, frá TV2, lýstir sum ein lítil hørð kjarna, sum stuðlar Danmark undir áhaldandi diplomatisku kreppuni við USA.
- Tey stuðla málinum hjá kongaríkinum, og tey halda, at grønlendingar sjálvir eiga at gera av, hvat skal henda við Grønlandi í framtíðini - og ikki Donald Trump, sigur hon.
Á tíðindafundi viðgjørdi ein av senatorurin, Lisa Murkowski, innanhýsis kritikkin innan Republikanska flokkin.
- Tað eru nakrir limir í mínum flokki, sum ikki vilja síggjast sum at teir ganga ímóti Donald Trump. Men eg kann siga tykkum, at eg havi havt eina røð av samrøðum við mínar republikansku medmenniskju, sum siga:
- Her er ein reyð linja. Vit taka ikki yvir og herja á NATO-samstarvsfólk, segði hon.
Hon heitir á amerikanskar politikarar, uttan mun til flokk, um at fara til Grønlands at læra meira.
