Russland hevur ongar ætlanir um at leypa á Evropa, sigur russiski uttanríkisráðharrin, Sergej Lavrov, við russisku almennu tíðindastovuna RIA Novosti í dag.
-Vit fremja eitt serligt hernaðarligt átak í Ukraina. Vit hava ongar ætlanir um at leypa á Evropa. Vit hava als ikki brúk fyri tí, segði hann.
Tó er eitt fyrivarni:
- Um Evropa fremur álop á Russland, so fer Russland at svara aftur við einum fullum hernaðarligum svari, við at brúka øll tøk amboð, sigur Lavrov.
