Trygdartænastan hjá løgregluni í Noregi, sum ber navnið PST, kallar til tíðindafund í morgin klokkan 16.00 føroyska tíð. Hettar eftir stúran fyri trygdini, hjá norskum kongsfólkum og embætisfólkum.

Pressan - og harvið almenningurin, skal kunnast um framtíðar lívverju-uppgávurnar hjá trygdartænastuni, tá tað snýr seg um hjá norsku embætismenn og limir í kongsfamiljuni.

Eisini skulu viðgerast kritiskir spurningar, um uppihaldið hjá norsku krúnprinsessuni hjá Jeffrey Epstein í 2013.

Til dømis undrast nógv yvir um PST hevur verið vitandi um kriminellu søguna hjá Epstein.

- Tá krúnprinsessan ferðast, hevur hon starvsfólk frá Trygdartænastuni hjá løgregluni við sær. Tey kenna alla skránna hjá henni, og tey vita eisini, hvønn hon skal møta.

So eg haldi, at internt í løgregluni, áttu fólk at hugsað um at kannað nærri, hvørjum hon í veruleikanum fór at møta, hevur Kåre Aas, táverandi sendiharri Noregs í USA, sagt við norska TV 2.

Málið um skjalprógvaða sambandið hjá Mette-Marit við Jeffrey Epstein, hevur elvt til øði, ikki bara í Noregi, men eisini um allan heimin.