Uttanríkisráðharrin, Lars Løkke Rasmussen, lendi í Grønlandi í nátt. Hann skal har hittast við starvsfeløgum úr Grønlandi og Kanada til ein felags tíðindafund í sambandi við, at eitt nýtt kanadiskt og franskt konsulát verður sett á stovn í Nuuk.
- Tað merkir nógv fyri Grønland, at Grønland nú knýtir tættari sambond við umheimin við einum kanadiskum og fronskum konsulati, og eg kenni fleiri starvsfelagar, sum hava somu tankar, sigur Løkke. Hann lendi nakað seinkaður vegna tekniskar trupulleikar við flogfarinum.
Tí slapp hann ikki við til uppmátingina av konsulatinum.
Hann greiðir ikki nærri frá, hvørji lond umhugsa konsulát í Grønlandi.
- Í verandi støðu er tað eisini eitt signal frá øllum heiminum um, at tey vilja knýta sterkari bond til allan Ríkisfelagsskapin og arktisku dimensiónina í danska kongaríkinum. Hetta er týdningarmikið mitt í støðuni, sum enn ikki er loyst.
