Tað siga teir báðir fólkatingsmenninir Frederik Vad og Bjørn Brandenborg úr danska javnaðarflokkinum.

 Teir eru í skrivandi stund á veg til Føroya, her teir saman við Sjúrði Skaale skulu tosa um danskan útlendingapolitikk.

 Frederik Vad er framsøgumaður í útlendingamálum, og Bjørn Brandenborg er framsøgumaður í rættarmálum.

 Sjúrður Skaale hevur boðið teimum báðum til Føroya í kjalarvørrinum av aktuella kjakinum um føroyskan útlendinga- og tilflytarapolitikk.

 – Eingin skal siga okkum í Føroyum, hvat vit skulu gera á útlendingaøkinum. Men fyri tað kunnu vit læra av øðrum, sigur Sjúrður Skaale.

 Talan verður um tvey ókeypis tiltøk. Tað fyrsta verður í Havn klokkan 19 í kvøld á Hilton Garden Inn. Í annaðkvøld klokkan 19 verður tað í Varpinum í Klaksvík – hetta seinna tiltakið verður eisini stroymt.

 Sí videoheilsan frá Frederik Vad og Bjørn Brandenborg her:

 https://www.youtube.com/shorts/JdXSDLU9-yA