Illgruni um ILA í Hvannasundi

2017-01-21 10:08 Author image
Sigmund Vang

Royndir, ið Heilsufrøðiliga Starvsstovan hevur tikið á aliøkinum A-73 Hvannasund Norður í januar 2017, hava aftur viðført illgruna um sjúkuelvandi ILA virus á aliøkinum. Aliøkið A-73 Hvannasund Norður hevur verið undir herdum eftirliti síðan juli 2016, tá ið aliøkið av fyrstum kom undir illgruna um at vera fongt við sjúkuelvandi ILA virus. Sipað verður til fráboðan til marknaðin 14. og 21. juli 2016. Royndirnar, ið vórðu tiknar í januar 2017, vóru partur av herda eftirlitinum av A-73 Hvannasund Norður.

Tað upplýsir Bakkafrost í skrivi sent miðlunum.

Á aliøkinum A-73 Hvannasund Norður eru 1,2 milliónir fiskar við eini miðalvekt á 2,8 kg rund vekt. Illgrunin um sjúkuelvandi ILA virus er um tveir ringar – annar av hesum er tann sami, sum var undir illgruna um sjúkuelvandi virus í juli 2016.

Bakkafrost er fyrireikað at taka neyðug stig og hevur avgjørt at taka neyðugar atgerðir í stundini viðvíkjandi hesum báðum ringunum. Bakkafrost hevur tikið allan fiskin í fyrsta ringinum (uml. 100.000 fiskar) og fer undir at taka næsta ringin (uml. 90.000 fiskar) beinanvegin. 1 millión fiskar vera á aliøki A-73 Hvannasund Norður eftir at hesir báðir ringarnir eru tiknir.

Fyribilsmetingar vísa, at tøkunøgdin í 2017 minkar við 600 tonsum í kruvdari vekt við tøkuni av hesum báðum ringum. Fyribilsmetingar vísa eisini, at um skundað verður undir at taka allan fiskin á aliøki A-73 Hvannasund Norður, minkar tøkunøgdin í 2017 við 2.400 tonsum í kruvdari vekt.

Aliøki A-73 verður framhaldandi undir herdum eftirliti, og kunnað verður nærri, tá ið endaligu úrslitini av royndunum á aliøkinum eru tøk, og endalig støða er tikin til framtíðar atgerðir.

  

  

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður