Hús til sølu fyri eina evru

Mynd: epa.eu

Hús til sølu fyri eina evru

2018-01-02 10:16 Author image
Guðrun í Jákupsstovu

Tað tykist vera ein veksandi trendur í ymsum býum í Evropa, at nú kanst tú keypa gomul, forfallin hús, ið standa tóm, fyri bert eina evru. Ensku býirnir Liverpool og Stoke-on-Trent og italski býurin, Gangni, byrjaði við hesum, fyri at skapa nýtt lív og fáa nýggjar skattgjaldarar í býin. Nú fylgir franski býurin og kommunan, Roubaix, við. Tað upplýsir DR.

Fyrr í tíðini var Roubaix høvuðsstaðurin fyri alla tekstilframleiðslu í Fraklandi. Býurin pumpaði av virksemi, hevði stórar verksmiðjur og nógv starvsfólk. Í dag minnir býurin um ein spøkilsisbý og ber spjaldrið "fátækasti býurin í Fraklandi". Arbeiðsloysið liggur um 30 prosent, og 45 prosent av íbúgvunum í býnum liva undir franska fátækramarkinum, ið er umleið 7300 danskar krónur.

Men hendan trupulleikan hevur býarstýri í kommununi, Roubaix, sett sær fyri at loysa. Ein liður í hesum er, at selja gomul, tóm og forfallin hús fyri eina evru. 7,5 danskar krónur. Eitt slíkt keyp kemur við treytum. M.a. bindir man seg til at vera búsitandi í kommununi næstu sjey árini eftir húsið er keypt, og húsið skal setast í stand fyri umleið hálva millión danskar krónur. Man skal eisini hava fast starv í økinum.

Nógv vísa á, at tað ikki tænir nøkrum endamáli, at selja hús fyri eina evru, um tú alíkavæl skalt brúka hálva millión uppá at seta húsini í stand. Býarstýri vísir tó á, at tað er munandi lættari at fáa lán uppá ístandsetan um tú hevur eitt húsaskeyti, heldur enn um tú bert hevur eina lága inntøku.

Franska kommunan byrjar við at seta 18 hús til sølu fyri eina evru í januar mánaða. Um alt gongur væl, eru fleiri hundrað hús eftir, ið eisini kunnu setast til sølu eftir sama prisi og somu treytum.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður