Fiskivinnunýskipanin til almenna hoyring mánadagin

2017-02-28 18:09 Author image
Sigmund Vang

Komandi mánadag fer samgongan at leggja sítt uppskot um fiskivinnunýskipan fram alment. Tað verður á einum tíðindafundi, upplýsa formennirnir í samgonguflokkunum.

Uppskotið hjá samgonguni um fiskivinnunýskipan verður ikki lagt fyri Løgtingið í dag. Tað hava teir tríggir floksformenninir í samgonguni avgjørt.

Fyri at tryggja opinleika um týðandi nýskipanina og at allar mannagongdir verða fylgdar, er ráðiligast, at fiskivinnunýskipanin bæði fer til almenna hoyring og lógareftirkanning, áðrenn hon verður latin Løgtinginum.  

Seinastu tíðina hevur landsstýrið verið í samráðingum við Sambandsflokkin um eina nýggja fiskivinnunýskipan. Samráðingarnar hava higartil ikki borið á mál. 

Samgongan vónar framvegis, at ein breið semja kann røkkast um nýskipanina, men tá ið samráðingarnar ikki eru bornar á mál,  er hon farin undir at leggja seinastu hond á sítt egna uppskot um fiskivinnunýskipan.

Komandi mánadag fer samgongan at leggja sítt uppskot um fiskivinnunýskipan fram alment. Tað verður á einum tíðindafundi. Beint eftir tíðindafundin verður uppskotið sent til ummælis hjá avvarðandi pørtum.

Samgongan og Sambandsflokkurin hava gjørt semju um, at bæði uppskotið hjá samgonguni og Sambandsflokkinum verða borin í Løgtingið við 17 undirskriftum, sum er mannagongdin, tá ið evsta mark er farið.

  

  

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður