Høvdavirkið sent 50 fólk til hús

2016-05-12 09:40 Author image
Sigmund Vang

Høvuðsmarknaðurin hjá Høvdavirkinum í Leirvík, Nigeria, er somikið illa fyri fíggjarliga, at keypiorkan nú er so lítil, at fólk har ikki hava ráð at keypa høvd úr Leirvík.

Avleiðingin av hesum er, at virkið seinastu mánaðirnar hevur slúsað nærum øll starvsfólkini út. Í løtuni arbeiða bert 10 fólk á virkinum. Um ársskiftið vóru tey 60.

Eirikur á Húsamørk, stjóri, sigur við Dimma.fo at lági oljuprísurin í Nigeria er høvuðsorsøkin til, at hesin fyrr so stóri marknaður, nú liggur fullkomiliga stillur. Nigeria er oljuframleiðandi - og oljuútflytandi land, og avleiðingin av lága oljuprísinum merkist nú veruliga.

- Tann prísur, sum fólk í Nigeria hava ráð til at gjalda fyri okkara vørur, liggur í løtuni undir framleiðslukostnaðinum hjá okkum, og tí er framleiðslan av hesum vørum steðgað, sigur Eirikur á Húsamørk.

Høvdavirkið hevur roynt at fingið rávøruna til Nigeria-framleiðslu sína so bíliga sum gjørligt, men marknaðarprísurin er somikið høgur – millum annað tí, at somu vørur verða seldar til minkafóður – at Høvdavirkið ikki klárar at vera við.

- Vit hava havt eitt sera gott samstarv við tey virkir, sum hava latið okkum rávørur, men eg kann ikki annað enn harmast um, at tað ikki ber til at framleiða eina matvøru til eitt av fátakastu londum í heiminum, tí eftirspurningurin eftir pelsi hjá teimum ríkastu er so stórur, sigur stjórin á Høvdavirkinum.

Tey fólk, sum eru eftir á Høvdavirkinum arbeiða í løtuni við at útbyggja lýsiverksmiðjuna, sum verður brúkt til framleiðslu av fóðuri til kelidjór. Millum annað skulu nú eisini hundakeks framleiðast. Eisini er eitt sindur av virksemi við at turka tara.

Eirikur á Húsamørk vónar at Nigeria-marknaðurin kemur afturíaftur seinni í ár, men fyribils verða altso eingi høvd turkað í Leirvík.

 

 

 

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður