Heimatíðindi

Heilafelagið skipar í hesum døgum fyri skeiði um seinheilaskaða

Heilafelagið skipar í hesum døgum fyri skeiði um seinheilaskaða
2018-03-11 18:20 Author image
Innsent

Tveir dagar fyri limum og teirra avvarðandi og ein dag fyri fakfólkum, ið arbeiða við fólki, ið hava fingið seinheilaskaða.

Tað er kendi neurosálarfrøðingurin Grethe Pedersen, ið er serføðingur í neurosálarfrøði og seinheilaskaða. Grethe er kend av mongum føroyingum, ið hava verið innløgd í Danmark eftir slagtilburð ella annan skaða í heilan. Á Vejlefjord arbeiðir Grethe m.a. við at vegleiða og hjálpa teim raktu og teirra avvarðandi víðari í lívinum eftir skaðan og at meistra gerandisdagin av nýggjum. http://grethep.dk/grethe-pedersen-neuropsykolog/

 

130 fólk verða árliga rakt av slagtilburði í Føroyum, so tørvurin er stórur á vegleiðing, viðgerð, endurvenjing og rehabilitering og m.a. lívlangari taluviðgerð.

Tað er viðurkent í øllum Evropa, at avvarðandi eru tann týdningarmesti stuðulin í samband við, at persónur verður raktur av álvarsligari sjúku. Avvarðandi eru eisini neyðugur partur í samstarvinum við tey faklærdu. Avvaraðandi eru ymisk og hava tørv á fjølbroyttum forstáilsi og átøkum og atlit mugu takast til ymiska tørvin.
Skeiðið vendir sær fyrst og fremst til limirnar í Heilafelagnum, eitt nú avvarðandi hjá fólki við seinheilaskaða, foreldur, hjúnarfelagar, syskin, ommur og abbar og aðrar limir við áhuga fyri innihaldinum á skeiðnum. Aldursmarkið er 18 ár.

 

Á skeiðnum 12. Og 13. mars vera hesi evni viðgjørd

Tær ósjónligu fylgjurnar – slag og tyngd

  • Ein ferð kring heilans bygnað og viknað
  • Tær ósjónligu fylgjurnar
  • Hugskot og vegleiðing

 

Lær at klára gerandisdagin sum avvarðandi

  • Reaktiónir hjá avvarðandi
  • At liva við óbehagi og avleiðingum
  • Netverkið og týdningur tess

Á skeiðinum 14. mars fyri fakfólk verður komið inn á hesi evni:

  • Avvarðandi sæð í einum menningarsálarfrøðiligum sjónarhorni
  • Sorgin og týdningur hennara í samstarvinum við avvarðandi
  • Vit eru ein partar av nervalagnum hjá hvørjum øðrum – onkuntíð tíverri
  • Tá skuldarkensla og skomm saman við øðrum kenslum køva huglagið og samstarvið
    – komið verður inn á eitt nú kenslu- og kynslív
  • Hugskot til tað góða samstarvið við avvarðandi

 

 

Við hesi skeiðsrøð ynskir Heilafelagið, ið fyllir 20 ár, at varpa ljós á felagið sjálvt og at geva limum og øðrum týdingarmiklum persónum í netverkinum eina góða frálæru og upplýsing um støðuna, ið 130 føroyingar árliga koma í og tær fylgjur, sum flestu teirra koma at liva við restina av lívinum.

Vit vilja við hesum, varpa alment ljós á álvarsligu støðuna, sum púra óvart rakar ein breiðan hóp av samfelagsborgarum í øllum aldri, tíverri eisini oftari enn áður, tað yngra ættarliðið.

Slagtilburðir kunnu fyribyrgjast – tað krevur eina virkna og tilvitaða kunning í skúlunum frá heilsuverkinum, og í almenna rúminum.

 

Heilafelagið

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Tjúguni í Føroyum

Tjúguni í Føroyum

Í 2017 yvirhálaðu føroyingar í tjúgunum teir í tretivunum við 19 menniskjum í fólkatali

Meira langlesnaður