Hátíðarguðstænasta, morgunmatur og framsýning

Hátíðarguðstænasta, morgunmatur og framsýning

2017-11-03 13:52 Author image
Innsent

Sunnudagin 5. november, alla halganna sunnudag, heldur Hoyvíkar kirkja sín 10 ára vígsludag. Kirkjuráðið bjóðar til morgunmatar í Kirkjukjallaranum kl. 9 hendan morgunin, og øll eru vælkomin.

Klokkan 11 verður hátíðarguðstænasta, har Tarira syngur. Eisini fara trompet og saxofon at stuðla urguni undir felagssanginum. Ein nýggjur sálmur verður sungin til høvið. Sóknarpresturin Theodor Eli Dam Olsen prædikar, og eisini taka aðrir prestar lut undir guðstænastuni.  

Leygardagin 4.november kl. 15. letur upp listaframsýning í Kirkjukjallaranum, sum Kinna Poulsen hevur staðið fyri. Eisini verður myndaframsýning at síggja frá byggingini og vígsluni av Hoyvíkar kirkju. 

Grundarsteinurin til kirkjuna varð lagdur av Margretu drotning hin 20. juni 2005. Arbeiðið, sum umfataði allar partar av vanligum byggiarbeiði, byrjaði 5. septembur sama ár. Hesum stóð Articon fyri. 
Kirkjan stendur út í Tútakannutjørn, er stoypt upp frá grundini og heilt upp í tornið. Tekjan er úr kopari. Innan er kirkjan klødd við oregon pine, eins og benkur og prædikustólurin eisini eru úr oregon pine. Gólvið er úr ask. Doypifunturin er úr gróti frá Grótvirkinum í Skopun. 
Kirkjan bleiv latin Tórshavnar eystara kirkjuráði 14. septembur 2007 og vígd av Hans Jacob Joensen, biskupi, allahalgannasunnudag 4. novembur 2007 sama ár. 
1.september 2014 gjørdist Hoyvík saman við Kaldbak sjálvstøðugt prestagjald.

  

 

 

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður