Handilsvinnufelagið: Bein mismunin burtur

Handilsvinnufelagið: Bein mismunin burtur

2017-11-13 13:24 Author image
Innsent

Tað kann ikki verða rætt, at útlendskar handilsfyritøkur fáa framíhjárætt at selja vørur til føroyska brúkaran. Talan er um eina kappingaravlagandi støðu, sum myndugleikarnir eiga at taka í álvara og gera nakað við sum skjótast.

Nógv hevur verið tosað og skrivað um mvg- og tollfríu postsendingarnar, sum stútt og støðugt streyma inn í landið. Handilsvinnufelagið hevur ferð eftir ferð víst á ójøvnu kappingina, sum stendst av, at myndugleikarnir í Føroyum hava valt at hava eitt smálutamark á heilar kr. 300,-

Handilsvinnufelagið hevur einki ímóti, at keypt verður á internetinum, tað skuldi bara mangla. Men hví smálutamarkið skal verða so overuhonds høgt í Føroyum í mun til onnur lond er ilt at skilja. Smálutamarkið í Danmark er kr. 80,- og í Íslandi er einki smálutamark.

Sum steinur oman á byrðu
Um landsins myndugleikar ikki hava tað aðalmál at tryggja eina javna kappingarstøðu í Føroyum, gera teir ikki handilsvinnuni lív lagað í longdini. Kappingin um føroyska kundan er beinhørð, og vanligir føroyskir handlar eru í beinleiðis kapping við risafyritøkur, sum njóta stórrakstrarfyrimunir og ofta hava heimstað í lágkostnaðarlondum.

Tað er ikki fair play, tá ið landsins myndugleikar harafturat geva hesum fyritøkum MVG- og tollfrítøku á smærri postsendingum.

Eitt gullnám av inntøkum
Valla hava myndugleikarnir spátt, at keypið á internetinum úr útlandinum fór at økjast so ógvusliga, sum tað hevur gjørt seinastu árini. Úrslitið er mistar inntøkur hjá landinum og ójøvn kapping á heimamarknaðinum. Talan er um fleiri milliónir í mistari inntøku, sum avvarandi landsstýrisfólk eru vitandi um, men einki gera við. Men, men, er veljarin glaður, eru øll glað.

Føroyska handilsvinnan ger sítt til at lofta teimum møguleikum, sum eru íkomnir við talgilding og altjóðagerð, men myndugleikarnir eiga samstundis at hava framtíðina í huga og tryggja, at virksemið á heimamarknaðinum gongur fyri seg undir virðiligum og jøvnum treytum.

Áheitanin til landsins myndugleikar stendur við nú sum áður: Bein burtur mismunin!

Handilsvinnufelagið

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen
”Den er helt gal med Anna”

”Den er helt gal med Anna”

Tá Anna arbeiddi sum fangavørður, varð hon mett sterk og óttaleys. Men í loyndum stríddist hon við álvarsama strongd

Author image Marita á Rógvi

Meira langlesnaður