Full kirkja í Gundadali

2016-05-16 11:53 Author image
Dimma

Fyri fjórðu ferð varð í morgun skipað fyri útigudstænastu í Gundadali á hvítusunnu.

Aftur hesa ferð var uppmøtingin sera góð, og tað stóra vestara skýlið var fult í fólki.

Týðiligt er, at hetta er eitt familjutiltak, har ung sum gomul fara av húsi. Barnavognar, eldri og yngri hvørt um annað gera útigudstænastuna til eina serliga hugnaliga hending, har orðini frá prestunum eisini bóru boð um, at her var okkurt til øll ættarlið.

Tað eru prestarnir í Suðurstreymoy, sum skipa fyri tiltakinum. Havnar Hornorkestur og GHM eru við til at gera løtuna hátíðarliga við sínum undirspæli.

Gudstænastan varð skipað sum ein vanlig gudstænasta við upplestri, bøn, signing og prædiku. Ann Dahl Hansen prædikaði, meðan hinir prestarnir býttu restina av gudstænastuni millum sín.

Siðurin at halda útigudstænastu annan hvítusunnu byrjaði í Fuglafirði, og har verður siðurin eisini hildin við líka. Útigudstænastan í Fuglafirði verður hildin í lundini undir kirkjuni. Marjun Bæk heldur ta gudstænastuna í ár.

Hvítusunna verður roknað sum tann triðja stóra høgtíðin hjá kirkjuni. Á hvítusunnu halda kristin um allan heimin, at heilagi andin kom til lærusveinarnar og gjørdi teir førar fyri at breiða kristna boðskapin á øllum heimins málum.

Eftir gudstænastuna í Gundadali varð alt kirkjufólkið bjóðað til kaffi í Badmintonhøllini.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður