Higartil eru eru yvir 2.500 sjúklingar beinleiðis raktir av verkfallinum hjá sjúkrarøktarfrøðingunum.
Verkfallið hevur nú vart í næstan seks vikur og í dag hevur Sjúkrahúsverkið gjørt upp, hvørjar avleiðingar, hetta higartil hevur havt fyri sjúklingar.
Uppgerðin vísir, at síðani verkfallið byrjaði 2. oktobur, hava tað verið 2.200 ambulantar viðtalur færri í sjúkrahúsverkinum enn í sama tíðarskeiði í fjør. Tað er ein minking upp á 35 prosent.
Bara higartil í novembur hava ambulantu viðtalurnar verið 60 prosent færri enn tær vóru teir fyrstu níggju dagarnar í novembur í fjør
Fróði Jacobsen, samskiftisráðgevari í sjúkrahúsverkinum, sigur, at tey meta, at minst 2.200 viðtalur eru útsettar, fluttar ella avlýstar í Sjúkrahúsverkinum, síðani verkfallið byrjaði.
Sostatt hava viðtalurnar hesar seinastu seks vikurnar, ímeðan verkfallið hevur verið, 30 - 40 prosent minni enn tær vóru í sama tíðarskeiði í fjør.
Hyggja vit bara eftir novembur er minkingin útvið 60 prosent í ambulantum viðtalum.
Her skal viðmerkjast, at ambulatoriini vórðu ikki rakt beinanvegin, eitt nú á medisinska deplinum á Landssjúkrahúsinum var tað frá 11. oktobur.
Samstundis hava tað verið 275 skurðviðgerðir færri hesar seks vikurnar í verkfallinum enn tað vóru í sama tíðarskeiði í fjør. Tað er ein minking upp á, 50 prosent. Bara í higartil í novembur hava skurðviðgerðirnar verið 60 prosent færri í tali enn tær vóru í sama tíðarskeiði í fjør.
Hyggja vit bert eftir novembur, er talið á skurðviðgerðum higartil í ár, 60 prosent minni enn í fjør.
Allar hesar 275 skurðviðgerðirnar eru útsettar til næsta ár bíða til fyrst í næsta ár at koma undir skurð.
Samstundis eru 140 færri sjúklingar innlagdir og tað er 25 prosent minni enn í sama tíðarskeiði í fjør - og her er Barnadeildin ikki tald upp í.
Á Barnadeildini hava verið 100 innleggingar færri í oktobur og higartil í novembur í ár, samanborið við sama tíðarskeið í fjør og tað er ein minking upp á 50 prosent.
