Vogue ber mótamyndir tiknar í illveðri í Føroyum

Kenda mótatíðarritið Vogue hevur nú leysgivið myndirnar, sum eitt lið av mótafotografum tók fyri amerikansku klædnafyritøkuna Devaux í ringasta summarstormi í síðstu viku.

Talan er um klæði, ætlað monnum, hóast modellin, sum vísir fram klæðini er ein kvinna. Myndirnar eru tiknar í vøkrum føroyskum náttúruumhvørvi, men eisini á meira ráum støðum, sum vísa til fiskivinnuna, eitt nú avlagda troldunganum hjá Vónini.

Les eisini: Føroyar í illveðri leiktjald til altjóða mótamyndir 

Tað er kanadiski fotografurin Tommy Ton, sum eisini tók myndirnar frá Blue Challenge Fashion sniðgevarakappingini í Føroyum í fjør, sum hevur tikið myndirnar.

Myndarøðin sæst á heimasíðuni hjá Vogue