Villiam Klein til B68
Sterki og bólttryggi álposleikarin, Villiam Klein, hevur í dag undirskrivað sáttmála við B68.
Ragnar Sjúrðarson
18. januar 2023 kl. 13:47
Villiam er uppvaksin í HB, men hevur eisini umboða B36 og Undrið.
Villiam hevur skotið 37 mál í 88 dystum í 1.deild og heili 25 mál í 25 dystum í U21 deildini. Í 2020 skoraði Villiam hattrikk í Løgmanssteypinum móti grannunum á Skála.
22 ára gamli havnamaðurin sigur, at hann er komin til tað rætta staðið at mennast
- Eg havi nú í tveir mánaðar vant viđ her á Svangaskarði, og føli eg, at hetta er rætta staðið hjá mær at mennast. Umstøðurnar eru framúr og hópurin hevur tikiđ sera væl ímóti mær, sigur hann við Facebook-síðuna hjá B68.
Villiam Klein er skrásettur fyri ein Betrideildar dyst. Tað var fyri HB í 2018 í einum 0-3 sigri á EB/Streymi.
