Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Bjarni Prior, borgarstjóri í Vága kommunu:
Hvat avrik í hesum valskeiðnum er tú fegnast um?
- Eg gleðist um fleiri avrik – tað, at byggja 2. byggistig á skúlanum á Giljanesi var eitt stórt og dýrt tak. Men skal eg nevna eitt, so er tað verkætlanin Tvørgarðsgøta – Ápramsvegur, hon er nakað serligt.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Veit ikki um eg iðri meg um nakað, men tað at tíðirnar háttaðu seg soleiðis, at vit ikki hava fingið gongd á íbúðarbygging, tað harmar meg.
Hvat er størsta málið, sum er fyri framman, í komandi valskeiði?
- Trý ítøkilig mál eru ein tunnil um hálsin, skipan av ferðsluni ígjøgnum kommununa, nú flogvøllurin víðkar sítt virksemi, og sum tað síðsta – kommunusamanlegging í Vágum.
Stillar tú upp aftur á komandi kommunuvali?
- Væntandi geri eg tað.
