Forsøgn galdandi til sunnumorgunin

Frískur vindur upp í strúk norðan, 8 til 13 m/s. Skiftandi skýloft og ælaveður við kava. Út á dagin minkar vindurin. Seinnapartin lot til frískt lot norðan 3 til 8 m/s. Skiftandi skýloft, og okkurt kavaælið. Hitin -2 til 3 stig. Seint í kvøld og í nátt minkar hann niður í lítið lot og gongur eystur í landnyrðing, minni enn 5 m/s. Skýggjað og yvirhøvur turt. Hitin -3 til 2 stig. 

 Sunnudagin

Lítið lot av landnyrðingi, minni enn 5 m/s. Út á fyrrapartin lot til frískt lot, og hann lækkar niður í landsynning, 3 til 8 m/s. Skýggjað og yvirhøvur turt. Hitin -1 til 3 stig. Seinnpartin veksur hann vindin. Út á kvøldi frískur vindur upp í hvassan vind av landsynningi 10 til 15 m/s. Skýggjað og yvirhvæur turt. Hitin 1 til 6 stig. Út á náttina strúkur í vindi upp í skrið av landsynningini, 13 til 18 m/s. Skýggjað og tað fer at regna, møguliga við vátakava. Hitin 3 til 7 stig.

Mánadagin

Strúkur í vindi upp í skrið av landsynningini, 13 til 18 m/s. Skýggjað og regn. Út á fyrrapartin minkar hann vindin, lækkar niður í sunnan og tað slítur í. Seinnpartin lot til frískt lot sunnan, 3 til 8 m/s. Hálvskýggjað og yvirhøvur turt. Móti kvøldið landsynningur, tað dregur á luftina og ælaveður. Hitin 4 til 8 stig.

Týsdagin

Lítið lot av landnyrðingi, minni enn 5 m/s. Skýggjað, í støðum møguliga mjørki. Yvirhøvur turt, men í støðum tám ella ælaveður. Hitin -1 til 5 stig. Út á kvøldið og náttina frískt lot til frískan vind eystan, 5 til 10 m/s. Skýggjað og ælaveður. Hitin 2 til 7 stig.

Mikudagin

Lot til frískt lot eystan, 3 til 8 m/s. Skiftandi skýloft og ælaveður. Hitin 4 til 8 stig.

Hósdagin

Frískt lot til frískan vind av landnyrðingi, 5 til 10 m/s. Skýggjað. Fyrrapartin ælaveður, men út á dagin slítur í. Hitin 4 til 8 stig.

Vedrid.fo