Veðrið ávirkar ferðsluna
Ferðaætlanin hjá Smyrli týsdagin er broytt, og møguleiki er fyri øðrum broytingum týsdagin og mikudagin
Jóannes Hansen
29. januar 2024 kl. 18:59
Strandferðslan upplýsir á heimasíðu síni ssl.fo, at fyri veður kann roknast við broytingum og avlýsingum í felagsferðsluni týsdagin 30. januar og mikudagin 31. januar.
SSL upplýsir, at ferðaætlanin hjá Smyrli í morgin, týsdagin 30. januar, er broytt. Fyri veður verður siglt soleiðis á leið 7 týsmorgunin 30. januar. Av Krambatanga klokkan 6:00 og av Havnini klokkan 8:30. Harumframt verður fráboðað, at vegna vánaliga veðurforsøgn fyri mikudagin 31. januar kann roknast við, at eingin sigling verður fyrrapartin á leið 7, sigur Strandferðslan á ssl.fo.
