Vatnflóðir í fleiri evropeiskum londum eftir glopraregn

Í útsynningspartinum av Týsklandi í statinum Saarland verður fráboðað um undantaksstøðu vegna stóru mongdirnar av regni. Longri suðri i Rheinland-Pfalz hevur vatnflóð eisini verið, sum hevur havt við sær, at vatn er farið í kjallarar meðan fleiri borgarar eru koblaðir frá elnetinum.

Eingin deyði er fráboðaður, meðan í øllum førum ein skaðatilburður hevur verið. Olaf Scholz, kanslari, væntast at vitja fleiri øki í útsynningspartinum av Týsklandi seinni í dag.

Tað er ikki meir enn trý ár síðani, at økini Rheinland-Pfalz og Norður Rín-Vesturfalia vóru rakt av vanlukkuligum vatnflóðum, sum kravdu 180 mannalív.