Valrúsur í New York
Valstemningurin er í hásæti í demokratiska statinum New York
Ragnar Sjúrðarson
5 tímar síðan
Í dag skulu amerikanarar gera av, hvør skal taka við heimsins valdsmiklasta embæti tann 20. Januar 2025.
Í teimum flestu statunum er ongin ivi um hvat valevni fer at vinna valmennirnar.
Hinvegin er spenningur í teimum sjey sving-statunum, ið eru Arizona, Georgia, Michigan, Nevada, North Carolina, Wisconsin og Pennsylvania. Sannlíkt vera tað nakrar 10.000 atkvøður frá hesum sonevndu sving-statunum, ið koma at avgera valið.
Hóast eingin ivi er um at Kamala Harris vinnur New York, er valstemningurin í bláa statinum í hásæti, har Trump-viðhaldsfólk eisini seta dám á.
