Ummæli: Farið og vitjið gentuna úr Maxim

Tað er avgjørt vert at fara í Sjónleikarahúsið at hyggja eftir leikinum, Gentan úr Maxim, sum leikbólkurin Brestir framførir. Talan er um ein gamlan skemtileik, sum varð skrivaður í 1899 upprunaliga stavar frá seinast í 1800-talinum, men sum í støðum brádliga loypur upp í okkara tíð. Og sjálvt um leikurin frá uppruna er drúgvur, so er hann bæði væl spældur, væl uppsettur og stuttligur