Í døgunum frá 8.-11. juli fara yvir 1100 íðkarir við hjálparfólkum at kappast kring landið í 19 ítróttargreinum.
Kappingar verða hildnar í Vági, Tórshavn, Runavík og í Klaksvík.
Í Vági verða tað fleiri enn 300 luttakarar, í Tórshavn fleiri enn 500, í Runavík, har Eystanstevna eisini verður tá, verða tað fleiri enn 200 og í Klaksvík fleiri enn 100, sum øll fara at seta sín dám á leikirnar.
Í talvuni síggjast, hvørjar ítróttagreinar eru í hvørjum øki.
Endaliga skráin fyri tey einstøku økini verður tøk fríggjadagin 2. juli.
Høvuðsstuðlar til Føroyaleikir eru SMS, Sport 24, Hiddenfjord og Betri Trygging.
