Týskland hevur í eina tíð havt økt marknaeftirlit, og tað fer at halda fram í hálvt ár aftrat. 

Tað boðar týski ríkiskanslarin, Olaf Scholz, frá í dag.

Sambært tíðindastovuni Reuters hevur hann sagt ES nevndini frá hesum. 

Vanliga eru mørkini innan ES opin og frí at fara ígjøgnum, men í september í fjør styrkti Týsklandi eftirlitið við mørkunum til grannalondini – herundir eisini Danmark. Tá var orsøkin søgd at vera, at eftirlitið skuldi verja landið ímóti akuttum hóttanum frá islamistiskum yvirgangi og álvarsomum kriminaliteti tvørtur um landamørk.

Ta ferðina varð avgerðin tikin, tí ein maður hevði dripið trý fólk við knívi á einum jólamarknaði í býnum Solingen. Yvirgangsrørslan IS segði seg hava ábyrgdina av álopinum.

Nú verður so hildið fram við hesum eftirliti eina tíð aftrat.