Týrfest III verður leygarkvøldið
Tungmálmsfestivalurin í Runavík verður hildin á triðja sinni
Fríðmundur Nattestad
21. februar 2024 kl. 19:00
Battle Ballads er heitið á nýggju heildarútgávuni hjá Týr, sum kemur á marknaðin 12. apríl.
Leygarkvøldið eru víkingarokkararnir høvuðsnavn á sínum egna festivali, Týrfest, sum verður hildin í Løkshøll í Runavík.
Hinir báðir bólkarnir, sum framføra, eru Sirenia og Eimyrja.
- Sirenia er slóðbrótandi symfoniskur tungmálmur úr Norra og Fraklandi, meðan Eimyrja eru komandi stjørnur á tí føroyska pallinum, við teirra virtuosa, melodiska og modernaða stíli og ljóði, siga fyriskipararnir.
Týrfest III byrjar leygarkvøldið klokkan 18. Atgongumerki kunnu keypast her.
