Twitter upplýsir, at yvir 1.000 tweeterboð eru slettað og fleiri brúkarar eru strikaðir, eftir at fleiri enskir leikarar við myrkum húðaliti í gjárkvøldið eftir EM-finaluna vóru fyri atfinningum, tí teir høvdu brent síni brotsspørk.

Talan er um Marcus Rashford, Jadon Sancho og Bukayo Saka, ið fingu hatskar viðmerkingar eftir dystin.  

Tað skrivar Reuters.

Twitter upplýsir, at uppsløg eru beind burtur og brúkarar strikaðir við hjálp av algoritmum og metingarfólkum.

– Vit halda áfram at beina tweeterboð burtur, tá vit finna tey ella brúkarar, ið bróta okkara reglur, sigur ein talsmaður fyri Twitter, sambært Reuters.

Fleiri fyritøkur í Onglandi hava í dag boðað frá, at finna tey útav, at okkurt starvsfólk hjá teimum hevur skrivað rasistiskar dagføringar ella viðmerkingar um ensku landsliðsleikararnar, so verða tey søgd úr starvi.