Tvørfakligt skeið á Sløkkiliðstøðini fyri átakseindir

Sløkkilið, Løgregla, Sjúkraflutningstænasta og Landsverk eru í dag og í morgin á skeiði í tvørfakligari skaðastaðsleiðslu. Skeiðið er á Sløkkiliðsstøðini í Havn.

Skeiðið skal styrkja tvørfakliga samstarvi millum átakseindirnar í tilbúgvingini.

Fleiri tunlar eru og verða bygdir í Føroyum, tí tekur skeiðið útgangsstøði í hendingum í tunlum.

Endamálið við skeiðinum er at luttakararnir fáa kunnleika um:

Galdandi lóggávu, kunngerð og leiðreglur og hvussu eitt skaðastað verður skipað, - radiosamskifti, uppgávur/skyldur hjá tí einstøku átakseindini og skipan av samstarvi millum átakseindirnar.

22 luttakarar eru á skeiðinum. Skeiðið byrjaði í morgun og endar í morgin.