Tvey fólk tikin fyri at smugla 24 kilo av hashi til Føroya

Tá ið Norrøna legði at í Havn í gjár, og bilarnir fóru at koyra í land, gjørdu tollararnir hjá Taks av at taka ein ávísan bil til viks og at kanna hann.
Og tá funnu tey heili 24 kilo av hashi og í hesum sambandi tók løgreglan eina kvinnu og ein mann og skuldsetti tey fyri at hava smuglað hassj til Føroya.

Ákæruvaldið førdi fólkini í grundlógaravhoyring í Føroya Rætti í morgun. Fólkini, sum eru donsk, vóru varðhaldsfongslað í fýra vikur.

– Talan er um eina ógvuliga stóra nøgd av hassji við einum søluvirði í Føroyum upp á eina sjey milliónir krónur, sigur løgreglan.

Hesa næstu tíðina fer løgreglan at kanna, hvør skuldi taka ímóti hashinum í Føroyum. 

Hesi bæði fólkini kunnu fáa upp ímóti 10 ára fongsulsrevsing