Tveir bilførarar fingu bót - serliga hjá tí eina verður tað dýrt

Í gjár gjørdi løgreglan ferðslukanningar í Eysturoynni. Løgreglan sigur, at úrslitið var, at tveir bilførarar fingu bót. 

Annar bilførarin fekk 1.000 krónur í bót fyri at brúka hondhildna fartelefon ímeðan hann koyrdi. 

Men serliga hjá hinum verður tað dýrt, tí hann koyrdi bil, hóast hann ikki hevði koyrikort. 

Hann hevði mist tað í eina tíð, men tað var ikki komið har til, at hann kundi taka tað aftur. Revsingin fyri tað er ein heil mánaðarløn í bót, eftir skatt.