Ongi úrslit

Tvær eru skiftar út á føroyska liðnum

Gylta á Neystabø og Maria Halsdóttir Weyhe eru í kvøld millum tær 16 á listanum á føroyska liðnum, sum fyrireikar seg at spæla ímóti sponsku favorittunum

Jóannes Hansen
6 tímar síðan

Nú er tað minni enn ein tími til fyrsta bríksl í Trier í Týsklandi, har Føroyar fara at spæla ímóti Spania. Hetta er annar dysturin hjá føroyska liðnum, sum mikukvøldið tapti 32-27 ímóti Montenegro.

Tað eru 18 føroyskir spælarar í HM hópinum, og 16 eru á listanum hvørja ferð. Ímóti Montenegro vóru tað málverjin Gylta á Neystabø og bakspælarin Maria Halsdóttir Weyhe, sum ikki vóru á listanum. Í kvøld eru bæði Gylta og Maria á listanum. Tað ber við sær, at málverjin Annika Fríðheim Petersen og bakspælarin Marianna Geirsdóttir Eystberg ikki eru á listanum í kvøld.

Annika stóð seg væl í føroyska málinum ímóti Montenegro. Hon átti í september og er harvið sjálvsagt ikki í toppformi enn. Tí verður hon spard í kvøld.

Meðan Føroyar fyri fyrstu ferð eru við í HM endaspæli, so hevur Spania fleiri royndir í endastølum fyri kvinnur.

Í HM høpi er besta úrslitið í 2019, tá ið Spania tapti finaluna ímóti Niðurlondum 30-29.

Í EM høpi eru bestu úrslitini silvurkrónur í 2008 og 2012.

Í OL høpi hevur Spania bronsukrónurnar frá 2012 at vísa á.

Hóast Spania søguliga er væl frammanfyri Føroyar, so er tað spenningur í føroysku leguni undan dystinum í Trier í kvøld. Tað kemst av, at spanska avrikið ímóti Paraguay ikki kendist at vera so ógvuliga sannførandi, hóast Spania vann 26-17. Liðið verður ikki roknað at vera stinnari enn liðið hjá Montenegro, sum mikukvøldið vann 32-27 ímóti Føroyum.

Mest lisið hesa vikuna

Tórshavnar Býráð hevur nú samtykt at leggja avgjald á tóm hús

26. november kl. 11:00

Grindedrabet som ingen lagde mærke til… indtil nu

25. november kl. 12:30

Fekk ljótar viðmerkingar um sína útsjónd

25. november kl. 21:40

Nú verður Suðuroyartunnilin aftur lagdur fyri Løgtingið - við broyttari vegaføring

25. november kl. 08:42

Suðuroyartunnilin – dirvi ella fíggjarligt óvarsemi?

22. november kl. 21:56

Sethúsaprísirnir eru framvegis á veg til Himmals

24. november kl. 12:47