Trý føroysk lið spæla í Conference League í kvøld
Øll føroysku liðini hava møguleika at spæla seg víðari í Conference League
Ragnar Sjúrðarson
20. juli 2023 kl. 17:31
Trý føroysk lið Spæla í Conference League undankappingini í kvøld.
Í Tallin í Estlandi byrjaðu dysturin millum Paide og B36 klokkan 16:30. Hálvleikur er í løtuni og hálvleiksstøðan er 0-0. Fyrri dysturin millum tey bæði liðini endaði eisini 0-0.
Klokkan 19:00 tekur Víkingur móti Inter Escaldes við Djúpumýru. Fyrri dysturin, sum varð leiktur í Andorra, endaði 2-1 til Inter Escaldes.
Klokkan 19:45 spæla Derry City og HB í Írlandi. Fyrri dysturin endaði við málleysum javnleiki á Tórsvølli.
