Seinasta samdøgrið hevur verið stúran bæði í Kiev og Bruxelles um, hvørt Trump forseti fer at royna at samráðast um friðaravtalu við Russland, uttan at taka Ukraina ella Evropa við.

Í kvøld boðaði Trump frá, at Ukraina fær sæti við borðið - saman við Russlandi "og nógvum øðrum fólkum."

Volodymyr Zelensky, forseti í Ukraina, hevur ávarað um, at ein ikki kann líta á hugin hjá Putin forseta um at fáa frið í lag

Men í kvøld boðaði Donald Trump frá, at hann hevur álit á Putin í hesum sambandi.

- Eg trúgvi, at hann vil hava frið.

- Eg kenni hann sera væl. Eg haldi, hann vil hava frið. Eg haldi, hann hevði sagt mær tað, um hann ikki ynskti frið.