![](/assets/articles/2024-02-23-innirodur-04.webp)
![Dimma.fo Logo](https://www.dimma.fo/assets/dimmalaetting.png)
Føroysku rógvararnir hava aftur staðfest, at teir eru heimsins bestu.
Kappingin í ár er skipað sum bæði EM og HM, og í dag hava føroysku rógvararnir kappast á 500 m.
Símum Tórur róði í bólkinum 19-20. Símun Tórur, sum hevur kappast netborðið, legði hart út við góðum starti. Símun Tórur róði seg í harðari kapping til eitt flott 9. pláss.
Zoe róði í bólkinum 21-22 lættvekt. Kappingin var hørð í startinum, men Zoe róði ein sannførandi róður og lat ongan iva vera um, at hon fór at vinna kappingina.
Vár róði í bólkinum 21-22. Kappingin var hørð í startinum, men Vár leyp frá kappingarneytunum og økti um frástøðuna. Vár kom fyrst um málstrikuna og setti samstundis persónligt met.
Sarita róði í lættvektsbólkinum 23-39 ár, sum er opin bólkur. Við einum góðum starti legði Sarita seg á odda longu frá byrjan og lá á odda gjøgnum allan róðurin, til hon kom fyrst á mál.
Sára Maria og Kristina róðu í bólkinum 23-39 ár, sum er opin bólkur. Sára Maria og Kristina fingu báðar ein góðan start og vóru lóðu leingi frammi í oddunum. Sára Maria kom um málstrikuna sum nr. 2, og Kristina róði seg í harðari kapping til eitt flott 5. pláss í HM og eitt flott 4. plass í EM. Bæði Sára Maria og Kristina settu persónlig met.
Bólkur | Nr. | Navn | Tíð |
M19-20 | 9 | Símun Tórur Joen-Jacobsen (Virtuelt) | 1:21.0 |
LW21-22 | 1 | Zoe E. Dickson | 1:39.6 |
W21-22 | 1 | Vár Guriardóttir Hansen | 1:29.4 |
LW23-39 | 1 | Sarita Kristina Hansen | 1:38.5 |
W23-39 | 5 | Kristina Roest | 1:34.4 |
W23-39 | 2 | Sára Maria Johansen | 1:32.2 |