Fleiri ferðir í gjár og í nátt var løgreglan eftir bilførarum, sum brutul lógina upp á ymsan máta.

Á miðdegi í gjár gjørdi løgreglan ferðslukanningar á einum strekki í bygdum øki Kollafjørði har tað er loyvt at koyra 50.

Har fingu tríggir bilførarar klipp í koyrikortið fyri at koyra ímillum 71 og 80 kilometrar um tíman.

Og aftur í nátt gjørdi løgreglan ferðslukanningar í Hoyvík, eisini tað var á einum strekki, har tað er loyvt at koyra 50. Har varð ein bilførari tikin fyri at koyra 89.

Vanliga hevði hann mist koyrikortið treytað og kundi hildið fram at koyrt, men skuldi kortini upp til nýggja koyriroynd.

Men hesin hevði havt koyrikort í styttri enn trý ár, og tá eru reglurnar nógv strangari, so í hesum føri fekk bilførarin koyriforboð.

Í nátt varð ein bilførari tikin fyri at koyra við kenning einastaðni í Havn. Og í nátt varð ein bilførari afturat tikin fyri at koyra við kenning í Klubbagarðinum í Havn.

Har er trongligt, og kanska hevur eygamálið ikku verið tað besta, so hann rendir á ein annan bil, so hann avdúkaði seg sjálvan, tí løgreglan varð boðsend og tók bilføraran.