Tonni Thomsen til avstralskan fótbólt
Í næstu viku flytur Tonni Thomsen av landinum, til Avstralia fyri at spæla fótbólt. Tað váttar hann fyri dimma.fo. Hann fer at spæla við Croydon City Soccer Club, sum er oddalið í Victorian League State 4 eftir 7 umførum.
Fannhard Skoradal
8. mai 2023 kl. 23:00
Croydon er forstaður til Melbourne 33 km eystan fyri Melbourne.
Hóast at talan er ikki um eina deild, sum er ein av teimum hægstu, so verður tað spennandi hjá honum at royna seg langt uttan fyri landoddarnar. 24 ára gamli gøtumaðurin fer umframt spæla fótbólt, eisini arbeiða sum elektrikkari hálva tíð við síðuna av.
Tonni kom aftur til Víking í ár, eftir at hava spælt við B68 í 4 ár. Við Víkingi í ár, hevur hann spælt við næstbesta liðinum, og har hevur hann skorað 5 mál í 8 dystum. Tonni hevur spælt 56 dystir í Betri deildini, og hevur skorað 2 mál.
