Tina K. Jakobsen forkvinna og Birna Heinesen fyrrverandi forkvinna í Yrkisfelagnum Miðnám
Tina avloysir Birnu
Í dag skipaði nevndin í Yrkisfelagnum Miðnám seg av nýggjum
Jonhard Hammer
2. februar 2024 kl. 22:37
Yrkisfelagið Miðnám hevur í dag fingið nýggja forkvinnu.
Felagið hevði leygardagin 20. janaur aðalfund á Kambsdali, og í dag var fyrsti nevndarfundur síðani aðalfundin.
Birna Heinesen, sum hevur verið forkvinna, bar seg undan at halda fram í sessinum.
Í forkvinnusessin valdi nevndin Tinu K. Jakobsen.
Jóhan Petur Holm, sum er nývaldur, er næstformaður.
Maria Chun Nielsdóttir er skrivari.
Birna Heinesen er kassameistari.
Magni Høgnesen er stýrislimur.
Tiltakslimir eru Nikolina Olsen og Petra Eliasen.
