60 min
32-29
LIÐUGT
Elias skorar síðsta málið, og Føroyar hava tapt fyrsta dystin í EM endaspælinum við trimum málum.
59 min
32-28
58 min
31-28
Hákun skorar eftir fríspæling frá Eliasi.
Pauli bjargar, og Elias misnýtir úr trongari støðu.
57 min
31-27
Føroyskt leikbrá
56 min
30-27
Hákun misnýtir úr heilt góðari støðu, tá ið hann sendir bóltin í handara stólpan.
Ein sloveni verður útvístur.
55 min
29-27
Rói Berg Hansen skorar í skjótálopi - heilt spennandi.
54 min
29-26
Pauli Jacobsen bjargar tvær ferðir.
Óli MIttún brýtur ígjøgnum og vinnur brotskast, sum Elias umsetir til mál.
53 min
29-25
Elias umsetir brotskast til mál.
52 min
29-24
Óli Mittún - yngsti maður í kappingini - sneiðir seg ígjøgnum og skorar.
51 min
29 - 23
Slovenar hava lætt við at skora í 6 ímóti 5.
50 min
28-23
Slovenia tekur leikbrá.
Føroyski venjarin sær gult, tí hann er ørkymlaður av, at marginaldómarnir detta slovenum til fyrimunar.
Nú ræður um at halda tørn, so tað ikki verður skrædl.
Rói Berg Hansen misnýtir úr vinstru, rakar málverjan í høvdið og verður vístur av vølli.
49 min
27-23
Nú hongur tað ikki so væl saman, sum tað gjørdi í 1. hálvleiki. Elias søplar í ikki góðar støðu, og so riggar verjan ikki, sum hon gjørdi í 1. hálvleiki.
48 min
26-23
Elias skorar eftir fríspæling frá Óla, og so Theis eftir skjótálop.
47 min
26-21
Brotskast og munurin er fimm mál.
46 min
25-21
Óli Mittún misnýtir, og so er munurin fýra mál.
45 min
24-21
Nú riggar verjan ikki væl, og tað ber við sær, at tað er torført hjá málverjanum.
44 min
23-21
Tróndur Mikkelsen skorar.
43 min
23-20
Nú dragnaði - fyrstu ferð trý mál á muni.
42 min
22-20
Sovenia økir um munin til 22-20 við brotskasti.
Elias verður jarðlagdur, men tað kostar ikki útvísing - heilt ófatuligt.
Føroyar taka leikbrá, meðan armurin er uppi.
Leivur Mortensen misnýtir úr vinstru.
41 min
21-20
Leivur Mortensen skorar úr vinstru.
40 min
21-19
Vit fingu ikki nyttu úr 6 ímóti 4
39 min
20-19
Hóast teir eru 4 ímóti 6, so skora slovenar, áðrenn Hákun svarar aftur.
38 min
19-18
Slovensk útvísing fyri sera harðligt spæl ímóti Eliasi.
Totalt kiks í sending hjá Eliasi og tað kostar í hinum endanum.
So spælir Elias Hákun leysan, og ein sloveni aftrat verður útvístur.
Nú eru vit 6 ímóti 4.
37 min
18 - 17
Nú hevur Slovenia skorað tríggjar ferðir á rað. Teir verja heilt frammarlaga.
36 min
17-17
Áskoðararnir koyra á Føroyar, men nú hevur Slovenia aftur fingið fatur á tí, og tað er javnt.
35 min
16 - 17
Føroyar missa og Slovenia skorar í skjótálopi.
34 min
15-17
Pauli bjargar, og í skjótum álopi skorar Teis - tvey mál á muni.
33 min
15 - 16
Føroyingarnir sóu ikki, at málið var tómt, men so skoraði Hákun úr heilt heilt spískum - sera flott.
32 min
14-15
Elias spælir til Hákun, sum skorar av veinginum.
31 min
13-14
Tróndur Mikkelsen avloysir frá fyrsta bríksli, og hann skorar.
Slovenia verður rakt av útvísing. Dysturin steðgaður eina løtu, tí teir royna at bøta netið í føroyska málinum.
30 min
Føroyska liðið er aftur á vøllinum. Nú ræður um at halda fram við sama spæli og at fáa størri nyttu úr uppløgdu málmøguleikunum. Um tað eydnast, so kann úrslitið fara at síggja heilt gott út sæð frá føroyskari síðu.
Føroyar eiga bóltin frá byrjan av í 2. hálvleiki.
Føroyskir málskjúttar í 1. hálvleiki:
Elias Ellefsen á Skipagøtu 5
Hákun West av Teigum 4
Vilhelm Poulsen 2
Óli Mittún 1
Teis Horn Rasmussen 1
Bjargingar
Pauli Jacobsen 5/14 35,71 prosent
Nicholas Satchwell 1/3 33,33 prosent
HÁLVLEIKUR
30 min
13-13
Óli Mittún er púra leysur mitt fyri, men málverjin bjargar.
Slovenia tekur leikbrá undan síðsta álopi.
Pauli Jacobsen bjargar, og Elias misnýtir roynd heldur enn at spæla púra leysa Vilhelm.
29 min
13-13
Brotskast til Slovenia, og so misnýtir Óli Mittún, tá ið hann er leysur á strikuni. Føroyar varðveita bóltin, og Vilhelm skorar, og so bjargar føroyski málverjin.
So skorar Slovenia, tá ið føroyska málið er tómt, tí Pauli ikki er komin aftur á vøllin.
27 min
11-12
Elias skorar við framúr undirhondsskoti. Føroyar spæla 7 ímóti 6.
26 min
11-11
Nikolas bjargar brotskasti, men bólturin støkkur aftur til slovenska spælaran, sum skorar.
25 min
10-11
Nú sær gott út. Elias javnaði við fínum standandi skoti, og so legði Hákun Føroyar á odda.
24 min
9-9
Tað er stór avbjóðing, at Teis ikki er í verjuni. Hann verður ivaleyst spardur til 2. hálvleik, tí hann longu hevur tvær ferðir tveir minuttir.
23 min
9-9
Óli Mittún leypir inn og verður tikin.
Elias javnar við brotskastinum.
22 min
9-8
Føroyar royna við 7 ímóti 6
Vilhelm skorar, og so skorar Slovenia aftur.
20 min
8-7
Nú eydnaðist tað hjá Hákun West av Teigum. Elias spældi hann leysan.
19 min
8-6
Vit misnýta ov nógv. Nú var tað Helgi H. Hoydal, sum misnýtti at strikuni. Málverjin hjá Slovenia hevur bjargað 5 av 10 royndum.
18 min
8-6
Pauli Jacobsen bjargar og føroyskt kontra, men Hákun West av Teigum misnýtir.
17 min
8-6
Vilhelm misnýtir, og slovenar skora beinanvegin.
16 min
7-6
Føroyskt leikbrá.
Føroyar eru undirmannaðar í 15 sekund aftrat.
Føroysku áskoðararnir gera tiltiknu alduna.
15 min
6-6
Teis Horn Rasmussen er aftur vístur av vølli. Slovenia misnýtir.
Hákun West av Teigum javnar til 6-6.
13 min
6-5
Slovenia rakt av útvísing fyri harðliga takling ímóti Eliasi Ellefsen á Skipagøtu. Ófatuligt at dómarin ikki bríkslaði fyri brotskasti.
10 min
5-5
Elias Ellefsen á Skipagøtu er fyrsti føroyingur, sum umsetir brotskast til mál í EM endaspæli.
09 min
3-4
Teis Horn Rasmussen varð søguligur við at skora fyrsta føroyska málið, og nú varð hann søguligur við at vera tann fyrsti, sum varð vístur av vølli í tveir minuttir í EM endaspæli.
05 min
2-4
Føroyar eru í EM endaspæli og rættiliga í eldinum.
Slovenia legði seg á odda 1-0, men so hava Føroyar av álvara svarað aftur.
Teis Horn Rasmussen var søguligur, tá ið hann av strikuni javnaði til 1-1, eftir at Elias Ellefsen á Skipagøtu hevði spælt hann leysan. Síðani hava Elias Ellefsen á Skipagøtu, Hákun West av Teigum og Óli Mittún skorað, og nú er støðan 4-2. Vit fylgja við her og dagføra aftur um eina løtu.
