Tað var ófriður á fólki í nátt
Løgreglan hevur havt nógva arbeiðið burtur úr at skilja fólk sundur og tveir mans fáa eina trivaliga bót
Áki Bertholdsen
5. november 2023 kl. 09:12
Tað hevur verið rættiliga nógv fólk í býnum í nátt og løgreglan sigur eisini, at rættiliga nógv av teimum vóru full.
Tað hevur eisini verið ófriður á fólki og tað hendi seg fleiri ferðir, at fólk komu til ilnar.
Men løgreglan var mannsterk í býnum og tey løgdu seg ofta ímillum og fingu skilt fólk sundur, sum vóru við at fara til hendurs.
Í tí sambandi vórðu tveir mans handtiknir og førdur á løgreglustøðina. Teir fáa báðir bót fyri at bróta skilhaldsreglurnar.
Annar var ólátaður ímóti løgreglufólkunum, og sum heild, og hann fær 1.500 krónur í bót.
Hin var beinleiðis harðligur og hann fær 3.000 krónur í bót.
Annars tók løgreglan eisini ein bilførara fyri at koyra við kenning norðan fyri, hann varð tikin í tí vanliga eftirlitinum hjá løgregluni.
